Прв Хуманитарен ИНКЛУЗИВЕН Планинарски Настан „ Ајде сите заедно во природа“

јуни 11, 2023 АКЦИИ

Велат дека оној кој еднаш ќе ја запознае убавината на планината, тешко може да се откаже од неа. Тој ќе и се навраќа повторно и повторно, запознавајќи ја одново и одново. И секогаш ќе мисли дека нешто пропуштил, а планината ќе изгледа поразлична и поубава. Тргнувајќи од таа мисла, на 11.06.2023 година се организираше првиот хуманитарен ИНКЛУЗИВЕН планинарски настан од страна на З.П.С.К „KOЖУФ “ – Гевгелија, а под покровителство и иницијатива на Фондација ,,Ице Бегов” – Скопје – под мотото „ Ајде сите заедно во природа“. Бевме многу среќни, затоа што со нас беа многу деца и родители со кои заедно ги откривавме убавините на планината. Сите деца треба да добијат рамноправна основа за реализирање на својот полн потенцијал. Сите тие понекогаш имаат потреба од дополнителна или додатна поддршка исто како и секој човек на планетава Земја. Инклузијата ни е потребна на сите, некогаш даваме, некогаш примаме поддршка. Затоа сме луѓе!

На 11.06.2023 ние бевме на вистинското место – Кожуф планина. Планината е одлично место каде се рушат сите бариери. Се споивме со природата, родители и деца, без бариери и предрасуди. Успеавме да ги мотивираме децата на здрав живот, видовме насмевка на нивните лица и среќа во нивните очи, што значи дека нашата мисија беше успешна и целта постигната. Веруваме дека овој настан ќе прерасне во традиција и сите ќе го очекуваме со нетрпение, затоа што планината е ЉУБОВ. Голема благодарност до Фондација „ИЦЕ БЕГОВ“ за оваа наша заедничка активност, како иницијатори, кои несебично и безрезервно ја поддржаа истата и заедно продолжуваме понатаму во остварувањето на уште многу цели. Оваа несекојдневна активност на децата им донесе многу среќа и радост. ЗАТОА НЕКА ТРАЕ !!!