Одиме на Врв – Родители и Деца

Одиме до врвот кој Ве освојува, со нешто Величествено Ве спојува. Нема зборови со кои може да се опише, сето тоа што на врвот може да се доживее. Бескрајни пејсажи и видици, неописливи чувства и предизвици!

Вчерашниот ден родители и деца го искористија за уживање во богатството на падините и височините на нашиот Кожуф кој не дочека со шаренило од бои: црвена, жолта, зелена – вистинска есенска идила. Тие беа сведоци на прекрасните пејсажи и видици кои им ги пружи врвот Чичи каја (1767 мнв). За многумина од родителите и децата ова беше првиот искачен врв, а нѐ имаше од 3 до 73 години.

Дружбата продолжи во планинарскиот дом “Томе Шутов – Кротки”, каде после заедничкиот ручек (планинарско гравче), следуваа забавни игри и активности прилагодени за различни детски возрасти. За целата оваа авантура се погрижија планинарите од З.П.С.К Кожуф, кои несебично се вложија да им приредат уште подобро уживање, а сѐ со цел создавање на здрави навики кај најмладата популација.

Фотографиите зборуваат за ова несекојдневно доживување кое заврши со прашањето: КОГА ПОВТОРНО НА ВРВ???